ಅವಳ ನೋಡಿ 

ಮನ ಮರುಳಾಗಿ

ಬರೆದೆ ನಾ ಓಲೆ.

ಮನದ ಒಳಗೆ

ಬಣ್ಣ ತುಂಬಿ

 ಹಾರಾಡಿತ್ತು ಪ್ರಿತಿಲೇ

ಅದನ್ನು ಕಂಡು 

ದೂರದಿಂದ

 ಹಾಡ ಹಾಡಿತ್ತು ಕೋಗಿಲೆ.

ಹಾಡ ಕೇಳಿ

 ಮನಸು ತಣಿದು

ಅವಳು ಸೇರಿದ್ದು ನನ್ನಲೇ.

................RJ Prabhakar Prabhu.

ಎನ್ನ ಮುದ್ದು ಮನಸೆ

ನಿಜಾವಾಗಿಯು ನೋಡಿಲ್ಲ ನಿನ್ನ

ಕಾಡುವುದ ಬಿಡಲಿಲ್ಲ ನನ್ನ

ಕುಣಿಸುತ್ತಾ ತನು 

ತಣಿಸುತ್ತ ಮನ

ಮುತ್ತಿಡುತ್ತ ನನ್ನ

ಪ್ರೀತಿಯ ಭಾವನೆಗಳ

 ಮೂಡಿಸುತ ಹೃದಯದಲಿ 

 ಒಮ್ಮೊಮ್ಮೆ ಕೋಪಿಸುತ

ಮರೆ ಮಾಚಿ ಮುಗುಳ್ನಗುವ

ಮತ್ತೊಮ್ಮೆ ಕಂಪಿಸುತ

ಕಂಬನಿಯ ಸುರಿಸುತಿಹ

ನಿನ್ನ ನಾ ಕಾಣಲು ಕಾತರಿಹೆ

ಬರಲಾರೆಯಾ ನನ್ನ ಮುಂದೆ?

ನಿಲ್ಲಲಾರೆಯಾ ಕಣ್ಣ ಮುಂದೆ?

ಏಕಿರುವೆ ಪರದೆಯ ಹಿಂದೆ?

ಸರಿಸಿ ಒಮ್ಮೆ ನೋಡಲಾರೆಯಾ?

ನಿನ್ನವನ ಕಾಣಲಾರೆಯಾ?

ಪ್ರೀತಿಸುವೆ ನೀನೆಂದು

ತಿಳಿದಿರುವೆ ನಾನಿಂದು

ಅಪ್ಪಿ ಮುತ್ತಿಡುವ ಆಸೆಯಾಗಿದೆ

ಗೋಗರೆಯುತಿಹೆನು... ಬರಲಾರೆಯಾ?

ಓ ಎನ್ನ ಮುದ್ದು ಮನಸೆ.

.................RJ Prabhakar Prabhu.  

ಪ್ರೀತಿಯ ವಿಚಿತ್ರ

ಇಂದೇ ನಿನ್ನವನಾದೆ ನಾನು
ನಿನಗೆಂದೇ ಬರೆದೆ ನಾ ಪತ್ರ
ಇನ್ನು ಮುಂದೆ ಹೇಳುವೆ ನೀನು
ನಿನಗಾಗಿಯೇ ನಾ ಮಾತ್ರ

ಕಣ್ಣ ಮುಚ್ಚಿ ಕುಳಿತರು ನಾ
ಕಾಣುತಿಹೆ ನಿನ್ನದೇ ಚಿತ್ರ
ಇಂದೇಕೆ ಹೀಗೆ ಕಾಡುವೆ ನೀ
ಪ್ರೀತಿಯದೇ ವಿಚಿತ್ರ
..........................Rj Prabhakar Prabhu.


   

ಮನದನ್ನೆ

ಓ ನನ್ನ ಮನದನ್ನೆ
ಪ್ರಿತಿಸಲೇ ನಿನ್ನನ್ನೇ
ಮುದ್ದಾಡಲು ನಿನ್ನ ಕೆನ್ನೆ
ಮರೆವೆ ನಾ ನನ್ನನ್ನೇ

ಮಾತಾಡಿಸು ನೀ ನನ್ನೇ
ಪ್ರೀತಿಸುವ ನಿನ್ನನ್ನೇ
ಈ ನಿನ್ನ ಕಣ್ಣ ಸನ್ನೆ
ಮರೆಸಿತೆನ್ನ ಇಹವನ್ನೇ

ನಡೆಯುತಿರೆ ನೀ ಲಲನೆ
ನೋಡಿ ನಾ ನಿನ್ನ ಚಲನೆ
ಮನಸೇಕೋ ವಿಲವಿಲನೆ
ನಗುವೆಯಾ ಗಹಗಹನೆ

ಹೃದಯದ ಚೋರೀ  ನೀನೆ
ನನ್ನೊಡಲ ಪ್ಯಾರಿ ನೀನೆ
ಪ್ರೀತಿಸುವೆ ನಿನ್ನನ್ನೇ
ಓ ಎನ್ನ ಮನದನ್ನೆ.
....................................RJ ಪ್ರಭಾಕರ ಪ್ರಭು.