ಮೌನ ಬೇಲಿಯ ಒಳಗೆ ಮಾತಿನ ಮಂಟಪ

ಕನಸಿನ ಗೋಪುರ ಕಟ್ಟಿದ್ದೆ
ಮನಸಿನ ಅಂಗಳದಿ
ಅದರೊಳಗೆ ಬಚ್ಚಿಟ್ಟು ನಿನ್ನ
ಪ್ರೀತಿಯಲಿ ಪೂಜಿಸಿದೆ
ನೆನಪುಗಳ ನೆಪ ತೋರಿ
ನಿನ್ ತನವ ಸಾಧಿಸಿದೆ
ಗರಿಬಿಚ್ಚಿ ಗೂಡಬಿಟ್ಟು
ಹಾರಾಡಲು ಹಂಬಲಿಸಿದೆ
ಹರಿಹಾಯ್ದು ನನ್ನಿಂದ
ದೂರಾಗಲು ಬಯಸಿದೆ
ಕೋಪದ ಪದಗಳನು
ನನಗೆಂದೇ ಆಹ್ವಾನಿಸಿದೆ
ಪ್ರೀತಿಸಿದ ಪ್ರತಿಫಲವ
ಬೀದಿ ಪಾಲಾಗಿಸಿದೆ
ಮಾತಿನ ಮುಖದ್ವಾರೆಕೆ
ಮೌನದ ಬೀಗ ಜಡಿದೆ
ಮೌನ ಬೇಲಿಯ ಒಳಗೂ
ಕಟ್ಟುವೆನು ಮಾತಿನಾ ಮಂಟಪ .
_________   Rj ಪ್ರಭಾಕರ ಪ್ರಭು .