ಕನಿಕರ ತೋರಿಸಿ
ಕನಸಲ್ಲಿ ಬಾರೆಯಾ
ಕನಸಲ್ಲಿ ಬಾರೆಯಾ
ಕೈಹಿಡಿದು ನೀನನ್ನ
ನಡೆದಿದ್ದು ಮರೆತೆಯಾ
ನಡೆದಿದ್ದು ಮರೆತೆಯಾ
ಕರೆದಾಕ್ಷಣ ಕನಸಲ್ಲಿ
ಬರುತಿದ್ದ ನೀನು
ಬರುತಿದ್ದ ನೀನು
ಮೂರು ಮಾಸದ ಪ್ರೀತಿ
ಇನ್ನೂ ಮಾಸಿಲ್ಲ ಭೀತಿ
ಇನ್ನೂ ಮಾಸಿಲ್ಲ ಭೀತಿ
ಇಂದೇತಕೆ ಮರೆಯಾಗಿಹೆ
ನಿನ್ನಿಹವ ಕಾಣ ಬಯಸಿಹೆ
ನಿನ್ನಿಹವ ಕಾಣ ಬಯಸಿಹೆ
ತಿಳಿಸದೇ ಹೋಗಿಹೆಯಾ
ತಿಳಿಸಲೂ ಬರಲಾರೆಯಾ
ಚಡಪಡಿಕೆ ಅರಿಯಲಾರೆಯಾ
ಕಣ್ಮುಂದೆ ನಿಲಲಾರೆಯಾ
ತಿಳಿಸಲೂ ಬರಲಾರೆಯಾ
ಚಡಪಡಿಕೆ ಅರಿಯಲಾರೆಯಾ
ಕಣ್ಮುಂದೆ ನಿಲಲಾರೆಯಾ
ಮನಸಿಂದ ತೊರೆದೆಯಾ
ನಿನ್ನವಳ ಮರೆತೆಯಾ
ನಿನ್ನವಳ ಮರೆತೆಯಾ
ಕಾಣುತಿಹೆ ಕಣ್ಣ ಹನಿಯಲೂ
ನಿನ್ನಾ...ನಗುವಿನ ಬಿಂಬ
ಭಾವಗಳ ಸುಳಿಯಲ್ಲಿ
ನಿನ್ನಾ...ನಗುವಿನ ಬಿಂಬ
ಭಾವಗಳ ಸುಳಿಯಲ್ಲಿ
ಮೀಯುತಿಹೆ ದಿನವೆಲ್ಲ
ಕಾಲ್ಪನಿಕ ಜೀವನದಲ್ಲಿ
ಬೇಯುತಿಹೆ ಕ್ಷಣವೆಲ್ಲ
ಬೇಯುತಿಹೆ ಕ್ಷಣವೆಲ್ಲ
ನಿನ್ನೊಂದಿಗಿರುವೆ ನಾನೆಂದು
ಪ್ರತಿಕ್ಷಣವೂ ನೆನೆನೆನೆದು
ಪ್ರತಿಕ್ಷಣವೂ ನೆನೆನೆನೆದು
ನನ್ನವನು ನೀನೆಂದು
ಅಳುವೆಂಬ ಸುಳಿಯಲ್ಲಿ
ಗಿರಗಿರನೆ ಸುತ್ತುತಿಹೆ
ಅಳುವೆಂಬ ಸುಳಿಯಲ್ಲಿ
ಗಿರಗಿರನೆ ಸುತ್ತುತಿಹೆ
ಇಹವ ತ್ಯಜಿಸುವ ಮುನ್ನ
ಕಾಣಲಾರೆನೇ ನಿನ್ನ
ಕಾಣಲಾರೆನೇ ನಿನ್ನ
ಬರುವೆಯಾ ನೋಡಲು ನನ್ನ
ಮರೆಯಲಾರೆ ನಾ ನಿನ್ನ
ಇರಲಾರೆನು ಬಿಟ್ಟು ನಿನ್ನ
ಇರಲಾರೆನು ಬಿಟ್ಟು ನಿನ್ನ
ಇಂತೀ ನಿನ್ನವಳು...ಚಿನ್ನ
..........................................Rj ಪ್ರಭಾಕರ ಪ್ರಭು